-
-
وفاقی حکومت نے دل کی بند شریانیں کھولنے کے لیے استعمال ہونے والے اسٹنٹ کی قیمتوں میں اضافہ کر دیا ہے۔ ڈرگ ریگولیٹری اتھارٹی (ڈریپ) نے نوٹیفکیشن جاری کردیا۔
ڈریپ کے نوٹیفکیشن کے مطابق امریکا میں تیار کردہ زینکس ایکس پیڈ یشن کی قیمت ایک لاکھ 34 ہزار369 روپے اور زینکس پرائم کی قیمت 86 ہزار 711 روپے ہو گئی ہے۔
میڈیا رپورٹس کے مطابق ڈریپ کے جاری کردہ نوٹیفکیشن میں ریزولیٹ اونکس کی قیمت ایک لاکھ 24ہزار 654 روپے، ریزولیٹ انٹگریٹی کی قیمت 58 ہزار 851 روپے اور پروموس پریمیر کی قیمت 75ہزار 846 روپے کر دی گئی ہے۔
ڈریپ کی جانب سے جاری نوٹیفکیشن کے مطابق پروموس ایلیمنٹ پلس 64 ہزار 844 روپے، اوسیریو کی قیمت ایک لاکھ 23 ہزار 602 روپے، فائر ہاک کی قیمت 63 ہزار 205 روپے اوربی ایم ایس انگریٹی کی قیمت 24ہزار 580 روپے ہوگئی ہے۔
زلمس کی قیمت 80 ہزار 529 روپے، بائیو میٹرکس الفا سٹنٹ کی قیمت ایک لاکھ 19 ہزار 388 روپے،بائیو میٹرکس نیو فلیکس اسٹنٹ 86 ہزار 147 اور اسٹنٹ زوکون کی قیمت 58 ہزار 992 روپے مقررکی گئی ہے۔
