کراچی کی مقامی عدالت نے عامرلیاقت کی تیسری اہلیہ دانیہ شاہ کے خلاف سائبر کرائم کے تحت کارروائی کی درخواست پر ڈائریکٹر ایف آئی اے سائبرکرائم و دیگر کو نوٹس جاری کر دیے۔
ڈسٹرکٹ سیشن کورٹ جنوبی کراچی میں دانیہ شاہ کے خلاف سائبرکرائم کےتحت کارروائی پر سماعت ہوئی، عدالت نے ڈائریکٹر ایف آئی اے سائبرکرائم و دیگرکو نوٹس جاری کرتے ہوئےفریقین سے 6 جولائی تک جواب طلب کرلیا۔
واضح رہے کہ سماجی تنظیم نےدانیہ شاہ کےخلاف عدالت میں درخواست دائرکر رکھی ہے، درخواست میں مؤقف اختیار کیا گیا ہےکہ عدالت ایف آئی اے کو دانیہ شاہ کے خلاف کارروائی کا حکم دے۔
وکیل درخواست گزار ایڈووکیٹ عامر جمیل کا کہنا ہےکہ دانیہ نے عامرلیاقت کی غیراخلاقی ویڈیو زسوشل میڈیا پر وائرل کیں، ایف آئی اے سائبر کرائم دانیہ شاہ کے خلاف کارروائی کرے۔
درخواست میں کہا گیا ہےکہ دانیہ نے پوری دنیا میں پاکستان کی عورتوں کی عزت مجروح کی ہے، دانیہ کی اس حرکت سے پاکستانی عورتوں کے سر شرم سے جھک گئے ہیں، معمولی تنازع پر نازیبا ویڈیوز وائرل کرنے کی سزا دانیہ کو ملنی چاہیے۔
واضح رہے عامر لیاقت کی نازیبہ ویڈیوزسوشل میڈیا پر وائرل ہوئی تھیں۔ جسکے بعد عامر لیاقت حسین شدید ذہنی دباؤ کا شکار تھے، انہوں ملک چھوڑنے کا بھی اعلان کیا تھا لیکن 9 جون کو وہ اچانک انتقال کرگئے۔
