-
-
ایم کیو ایم پاکستان کے کنوینر ڈاکٹر خالد مقبول صدیقی کا کہنا ہے کہ آئین نہ ہماری حفاظت کر سکا نہ پاکستان اور جمہوریت کی۔
ایم کیو ایم کی رابطہ مہم میں بھرپور پاور شور کا مظاہرہ کیا گیا، کنوینر ایم کیو ایم خالد مقبول صدیقی نے برنس روڈ پر جلسہ سے خطاب کرتے ہوئے کہا کہ پاکستان کو بچانے کے لئے سب سے ضروری شرط یہ ہے کہ جو اس کو پال رہا ہے اس کو پالو، اس شہر کو چلانے کی ذمہ داری برنس روڈ والوں پر آنے والی ہے۔
خالد مقبول نے کہا کہ کراچی بچے گا تو پاکستان بچے گا، کراچی خوشحال ہوگا تو پاکستان خوشحال ہوگا، پندرہ سال سے کراچی کا یہ حال کرنے والوں کا دماغ ٹھیک نہ کیا گیا تو کچھ ٹھیک نہیں ہوگا، آئین ہماری حفاظت کر سکا نہ پاکستان اور جمہوریت کی حفاظت کر سکا۔
ایم کیو ایم کے کنوینر نے کہا کہ پورے پاکستان کی سب سے تجربہ کار شاہراہ پر بیٹھے ہیں، اب یہ راستہ منزل کی طرف جائے گا، پاکستان کو اس کی منزل کی جانب پہنچانا ہے، جاگیردارانہ جمہوریت کو جب تک جمہوریت کہا جاتا رہے گا پاکستان ترقی نہیں کرے گا،
ایم کیو ایم پاکستان کے کنوینئر خالد مقبول صدیقی کا کہنا تھا کہ حکمرانوں ایوان خالی کر دو‘ ملک کے وارث ملک کو سنبھالنے آرہے ہیں۔ عوام کے مسائل کا حل اولین ترجیح ہے۔ کراچی کو 6 ماہ میں اپنے پیروں پر کھڑا کر دیں گے۔
