-
-
صوبہ پنجاب کے نو منتخب وزیر اعلیٰ پنجاب حمزہ شہباز نے اپنے عہدے کا حلف اٹھا لیا ہے، گورنر پنجاب بلیغ الرحمٰن نے وزیر اعلیٰ سے حلف لیا۔
وزیر اعلیٰ پنجاب کی حلف برداری کی تقریب گورنر ہاؤس میں لاہور میں منعقد ہوئی۔ وفاقی وزرا، اراکین اسمبلی اور آزاد رکن پنجاب اسمبلی، آئی جی پنجاب راؤ سردار اور چیف سیکریٹری پنجاب سمیت بیورو کریسی کی بڑی تعداد بھی حلف برداری کی تقریب میں موجود تھی۔۔
گورنر پنجاب بلیغ الرحمٰن نے نو منتخب وزیر اعلیٰ حمزہ شہباز سے حلف لیا جس کے بعد وہ صوے کے نئے وزیر اعلیٰ منتخب ہوگئے۔ تقریب حلف بردارری کی ٹیلی ویژن پر نشر ہونے والی فوٹیج میں دیکھا گیا کہ حمزہ شہباز کے حلف اٹھانے کے فوری بعد ایک زرداری سب پہ بھاری کے نعرے لگائے گئے۔
نو منتخب وزیر اعلیٰ پنجاب حمزہ شہباز نے وزارت اعلیٰ کا حلف اٹھانے کے بعد کامیابی پر اللہ کا شکر ادا کیا۔ سماجی رابطے کی سائٹ ٹوئٹر پر جاری اپنے بیان میں حمزہ شہباز نے کہا ہے کہ اللّٰہ تعالیٰ کا شکر ہے جس نے ایک مرتبہ پھر ہمیں کامیاب کیا۔
اللہ تعالی کا شکر جس نے ایک مرتبہ پھر ہمیں کامیاب کیا۔ مسلم لیگ ن، اتحادی جماعتوں کے اراکین سمیت آصف زرداری اور چودھری شجاعت حسین صاحب کا بھی شکریہ جنہوں نے ملک میں جمہوریت کی مظبوطی کے لئے اپنا کلیدی کردار ادا کیا ہے۔ انشاللہ ہم مخلوق خدا کی خدمت کا مشن جاری رکھیں گے۔
— Hamza Shahbaz Sharif (@HamzaSS) July 23, 2022
انہوں نے کہا کہ مسلم لیگ ن، اتحادی جماعتوں کے اراکین سمیت آصف زرداری اور چوہدری شجاعت حسین صاحب کا بھی شکریہ جنہوں نے ملک میں جمہوریت کی مضبوطی کے لیے اپنا کلیدی کردار ادا کیا ہے۔ حمزہ شہباز کا کہنا ہے کہ انشا اللّٰہ ہم مخلوق خدا کی خدمت کا مشن جاری رکھیں گے۔
وزیراعلی حمزہ شہباز کے حلف کے بعد آج پنجاب کی نئی کابینہ بھی حلف اٹھائے گی۔ حلف برداری کی یہ تقریب بھی گورنر ہاؤس میں ہوگی۔
واضح رہے کہ گزشتہ روز پنجاب اسمبلی میں وزیر اعلیٰ کے انتخاب کے لیے ووٹنگ ہوئی تھی، پاکستان مسلم لیگ (ن) کے امیدوار حمزہ شہباز کو 179 ووٹ ملے، جب کہ پی ٹی آئی اور مسلم لیگ (ق) کے امیدوار پرویز الہی کی حق میں 186 ووٹس آئے۔
ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔
