بیرون ملک سے کراچی آنے والے مزید 2 مسافروں کاکووڈ ٹیسٹ ٹیسٹ مثبت آگیا۔ حالیہ دنوں میں کراچی پہنچنے والے کورونا سے متاثرہ مسافروں کی تعداد 17 ہوگئی
میڈیا رپورٹس کے مطابق جدہ سے کراچی پہنچنے والے مزید 2 مسافروں میں کورونا کی تشخیص ہوئی ہے۔ فیصل آباد کا رہائشی 28 سالہ شخص اور گلبہار ملا کنٖڈ کا رہائشہ 25 سالہ شخص کا کورونا ٹیسٹ مثبت آیا۔ متاثرہ مسافروں میں کورونا کی ممکنہ علامات کے پیش نظر دونوں کے ٹیسٹ کیے گئے جو مثبت آئے۔
اب تک بیرون ملک سے آنے والے17 مسافروں کے ریپڈ اینٹیجن ٹیسٹ مثبت آچکے ہیں۔ 15 مثبت پی سی آرٹیسٹ کیسز میں سے 2 مسافروں میں کرونا کی نئی قسم جےاین ون ویریئنٹ مثبت پایا گیا۔ جے این ون ویریئنٹ کے7 مثبت کیسزمیں سے 2 بیرون ملک جبکہ 5 مقامی ہیں۔
محکمہ صحت کورونا کے جے این ون ویریئنٹ سے متعلق الرٹ ہے، ترجمان کے مطابق متاثرہ مسافروں کو ٹیسٹ کے نتائج سے آگاہ کرکے قرنطینہ کی ہدایت کردی گئی ہے۔ اس حوالے سے سندھ کے ڈی ایچ اوز،ٹی ایچ کیوزاوراسپتالوں میں ہدایات جاری کی جاچکی ہیں۔
طبی ماہرین کے مطابق کورونا کا نیا ویریئنٹ پہلےجیسا طاقتور نہیں ہے، عوام سے اپیل ہے کہ ممکنہ پھیلاؤ سے بچاؤ کے لیے احتیاطی تدابیراختیار کریں۔
