انگلینڈ کی کرکٹ ٹیم اگلے ماہ تاریخی دورہ پر پاکستان پہنچ رہی ہے۔ انگلینڈ اور پاکستان کے درمیان سات ٹی ٹوئنٹی میچز کی سیریز شیڈول ہے جس میں سے چار کراچی اور تین لاہور میں کھیلے جائیں گے۔ تمام میچز کے ٹکٹوں کی آن لائن فروخت کا آغاز ہوگیا ہے۔
PCB announces ticket prices for Pakistan v England T20I series
Read more: https://t.co/YOtBnBb2Yn#PAKvENG pic.twitter.com/G1Q89vQ0zi
— PCB Media (@TheRealPCBMedia) August 30, 2022
پاکستان اور انگلینڈ کے درمیان ٹی ٹوئنٹی سیریز کے ٹکٹوں کی فروخت کی آج صبح شروع ہوئی اور ایک گھنٹے میں ہی نیشنل اسٹیدیم کراچی میں ہونے والے چاروں میچز کے 2 انکلوژر زکے ٹکٹس مکمل فروخت ہو گئے۔
نسیم الغنی اور اقبال قاسم انکلوژرز کے ٹکٹس کی قیمت 250 روپے مقرر ہے، دونوں انکلوژرز کے ٹکٹ اب فروخت کے لیے دستیاب نہیں ہیں۔ نیشنل اسٹیڈیم میں مذید 2 انکلوژر جنرل ہیں جن کے ٹکٹ فروخت کے لیے دستیاب ہیں۔
پی سی بی کی اعلان کردہ پالیسی کے مطابق ایک شناختی کارڈ پر ایک ٹکٹ خریدا جا سکتا ہے جبکہ بچوں کے ٹکٹس بے فارم دکھا کر حاصل کیے جا سکتے ہیں۔
کراچی میں چار میچوں کی ٹکٹوں کی قیمتیں 250 سے 1500 روپے مقرر ہیں جبکہ لاہور میچز کے ٹکٹس کی قیمتیں 250 سے 3000 روپے مقرر کی گئی ہیں۔
پاکستان اور انگلینڈ کے درمیان ٹی ٹوئنٹی سیریز کا آغاز 20 ستمبر سے ہوگا۔ سیریز 2 اکتوبر تک جاری رہے گی۔ انگلینڈ کی ٹیم نومبر دسمبر میں ٹیسٹ سیریز کیلئے دوبارہ پاکستان کا دورہ کرے گی۔
