Search
Close this search box.
پاکستان صحت تازہ ترین نمایاں خصوصیت

قومی ادارہ صحت کی جانب سے ڈینگی کی روک تھام کیلئے ایڈوائزری جاری

قومی ادارہ صحت کی جانب ڈینگی کی روک تھام کیلئے ایڈوائزری جاری کر دی گئی ہے

قومی ادارہ صحت کا کہنا ہے کہ ڈینگی مچھرپاکستان کے تقریبا ًتمام علاقوں میں موجود ہے، ڈینگی پھیلنے کا شدید خدشہ ہے، روک تھام کے لیے بروقت اقدامات کیے جائیں۔

ڈینگی مچھرکے جسم پر سیاہ اور سفید رنگ کی دھاریاں پائی جاتی ہیں ، یہ ایک وائرل بیماری ہے جو کہ ایڈیز نسل کے مچھروں سے پھیلتی ہے، پاکستان سمیت 100 سے زائد ممالک اس وبا کا شکار ہیں،رواں سال ملک میں ڈینگی کے 8909 کیسز رپورٹ ہوئے،دوسری جانب خیبر پختونخوا میں ڈینگی سے متاثرہ افراد کی تعداد ایک ہزار 222 ہو گئی ہے۔

محکمہ صحت کے مطابق خیبر پختونخوا میں ڈینگی وائرس کے 511 فعال کیسز موجود ہیں، گزشتہ 24 گھنٹے کے دوران 141 افراد میں ڈینگی وائرس کی تشخیص ہوئی،11 افراد کو اسپتالوں میں داخل کیا گیا۔ خیبر پختونخوا کے مختلف اسپتالوں میں ڈینگی سے متاثرہ 34 افراد اب بھی زیر اعلاج ہیں،پشاور 373، ایبٹ آباد 139، ہنگو 115، مانسہرہ 104 اور نوشہرہ سے 100 کیسز رپورٹ ہوئے۔ خیبر پختونخوا بھر میں اب تک ڈینگی سے دو افراد کی اموات ہو چکی ہیں۔

واضع رہے کہ عالمی ادارۂ صحت نے دنیا بھر میں ڈینگی، چکن گنیا اور زیکا وائرس پھیلنے سے متعلق خبردار کرتے ہوئے بتایا تھا کہ اس سال ڈینگی، چکن گنیا اور زیکا وائرس کے کیسز پچھلے سال کے مقابلے میں دگنے ہو گئے ہیں۔ اوراس سال دنیا بھر میں 4 ارب افراد مچھروں سے پھیلنے والی 3 بیماریوں سے متاثر ہو سکتے ہیں

جواب دیں

Subscribe To Our Mailing List

Get the news right tn your inbox

Subscription Form Footer Style-2

کمپنی کے بارے میں

مقبول زمرے

فوری رابطے

اقسام

رابطہ کی معلومات

ہمیں فالو کریں