پی سی بی کا کراچی، لاہور اور ملتان میں اکیڈمیز مکمل فعال کرنےکا فیصلہ

پاکستان کرکٹ بورڈ نے لاہور،کراچی اور ملتان میں اکیڈمیز مکمل فعال کرنےکا فیصلہ کر لیا ہے۔

میڈیا رپورٹ کے مطابق تینوں شہروں کی اکیڈمیز میں سال بھر مختلف پروگرامز جاری رہیں گے، ایج گروپ پاتھ ویز پروگرام کو خاص طور پر توجہ دی جائے گی، نیشنل کرکٹ اکیڈمی لاہور میں بینچ اسٹرینتھ پر کام کیا جائے گا۔

رپورٹ کے مطابق پرفارمرز کو نیشنل کرکٹ اکیڈمی میں رکھا جائے گا ، کوچز ان پر کام کریں گے، ملتان میں انڈر 19کرکٹرزکو تربیت دےکر آئندہ ورلڈ کپ کے لیے تیار کیا جائے گا، کراچی میں پاکستان ویمن کرکٹ ٹیم اور دیگر ممکنہ کھلاڑی کی تربیت ہوگی۔

مزید پڑھیں:پاکستان کرکٹ ٹیم انتظامیہ کی غیر ملکی شائقین کی جانب سے قومی پلیئرز سے بد زبانی کی مذمت

میڈیا رپورٹ کے مطابق ویمن کرکٹرزکو رواں برس ورلڈ کپ اور آئندہ برس کے ٹی 20 ورلڈ کپ کے لیے تیار کیا جائے گا، عاقب جاوید ڈائریکٹر ہائی پرفارمنس کا عہدہ سنبھالنے کے لیے مضبوط امیدوار ہیں۔