-
-
لائن آف کنٹرول پر بھارتی فوج کی دو یونٹوں کا پہلگام فالس فلیگ آپریشن کے بعد ایک دوسرے پر ہی فائرنگ کا واقعہ پیش آیا ہے۔
میڈیا رپورٹس کے مطابق بھارتی فوج کے دو یونٹوں میں ایک دوسرے پر فائرنگ کی، 25 اور 26 اپریل کی درمیانی شب لائن آف کنٹرول پر بھارتی فوج کی دو یونٹوں نے ایک دوسرے پر فائرنگ کی، فائرنگ کے نتیجے میں 5 سکھ فوجی ہلاک ہوگئے۔
رپورٹس کے مطابق یہ واقعہ جاپالہ بریج ، بارامولا سیکٹر میں دوران پٹرولنگ پیش آیا، 185 بی ایس ایف جو کہ بارہ مولہ میں تعینات ہے نے 12 برگیڈ کی 13 سکھ لائٹ انفنٹری رجمنٹ پر فائرنگ کر دی۔
دفاعی ماہرین نے کہا کہ یہ واقعہ بھارتی فوج میں پائی جانے والی بوکھلاہٹ کی جانب واضح اشارہ ہے، ذرائع نے کہا کہ اس واقعہ پر 13 سکھ لائٹ انفینٹری کے سکھ جوانوں میں شدید غم و غصہ پایا جاتا ہے۔
دفاعی ماہرین نے کہا کہ یہ اپنی نوعیت کا پہلا واقعہ نہیں، ماضی میں بھی اس طرح کے واقعات ہو چکے ہیں،یہ در حقیقت پاک فوج کا خوف ہے جو بھارتی فوج کے اعصاب پر سوار ہے
