-
-
دبئی سے ڈھاکا کی پرواز میں سوار خاتون مسافر کی طبیعت خراب ہونے پر طیارے نے کراچی میں میڈیکل ایمرجنسی لینڈنگ کی۔
جیونیوز کے مطابق غیر ملکی ائیر لائن کی پرواز ایف زیڈ 501 دبئی سے ڈھاکا جارہی تھی کہ بھارتی فضائی حدود میں طیارے میں سوار ایک بنگلادیشی خاتون مسافر کی طبیعت خراب ہوگئی۔
مزید پڑھیں:کراچی ایئرپورٹ پر بھارتی طیارے کی ہنگامی لینڈنگ، وجہ کیا بنی؟
پائلٹ نے انسانی ہمدردی کی بنیاد پر قریب ترین کراچی جناح انٹرنیشنل ائیرپورٹ کے ائیر ٹریفک کنٹرولر سے ایمرجنسی لینڈنگ کی اجازت طلب کی، اجازت ملنے پر بوئنگ 737 طیارے نے جناح ائیرپورٹ پر میڈیکل ایمرجنسی لینڈنگ کی۔
کراچی ائیرپورٹ پر ڈاکٹرز نے خاتون مسافر کو ہنگامی طبی امداد دی، طبیعت زیادہ خراب ہونے پر خاتون مسافر کو میڈیکل ٹیم نے نجی اسپتال منتقل کردیامیڈیا رپورٹ کے مطابق طیارہ کراچی ائیرپورٹ پر موجود ہے جو اگلی پرواز کی تیاری میں ہے۔
