-
-
محکمہ موسمیات نے آئندہ 24 گھنٹوں کے دوران شہر کا موسم گرم اور مرطوب رہنے کا امکان ظاہر کیا ہے۔
محکمہ موسمیات کا کہنا ہے کہ آج شہر کا کم سے کم درجہ حرارت 25.5 ڈگری سینٹی گریڈ ریکارڈ کیا گیا اور زیادہ سے زیادہ درجہ حرارت 33 سے 35ڈگری سینٹی گریڈ تک رہنے کا امکان ہے۔
گزشتہ 24 گھنٹوں میں کراچی میں کم سے کم درجۂ حرار ت 25 اعشاریہ 5 ڈگری سینٹی گریڈ ریکارڈ ہوا۔ محکمہ موسمیات نے بتایا کہ ہوا میں نمی کا تناسب 77 فیصد ہے اور شمال مغرب سے ہوائیں 12 کلو میٹر فی گھنٹہ کی رفتار سے چل رہی ہیں۔
مزید پڑھیں: کراچی میں آئندہ دو روز درجہ حرارت میں مزید اضافے کا امکان ہے، محکمۂ موسمیات
دوسری جانب موسمیاتی تجزیہ کار جواد میمن نے بھی کراچی کے موسم کے حوالے سے بتایا کہ آج موسم گرم اور مرطوب رہے گا تاہم شہر میں دوپہر میں وقفے وقفے سے تیز ہوائیں چل سکتی ہیں۔
موسمیاتی تجزیہ کار کے مطابق ہواؤں کی رفتار 30 سے 35 کلومیٹر فی گھنٹہ تک ہوسکتی ہے، گرم موسم اور نم ہواؤں کے باعث مضافات میں گرج چمک کے بادل بن سکتے ہیں۔
ملک کے دیگر حصوں کوئٹہ سمیت بلوچستان کے بیشتر اضلاع میں موسم خشک اور جنوبی اضلاع میں گرم ہے۔ محکمۂ موسمیات کے مطابق وادیٔ کوئٹہ اور گرد و نواح میں مطلع صاف اور موسم خشک ہے۔
بلوچستان کے شمالی اضلاع میں موسم معتدل اور تربت، لسبیلہ، حب سمیت صوبے کے دیگر جنوبی علاقوں میں دن کے وقت موسم گرم ہے۔ آئندہ 24 گھنٹوں کے دوران صوبے کے بیشتر اضلاع میں موسم خشک اور گرم رہنے کا امکان ہے۔
دوسری جانب لسبیلہ، واشک، خضدار اور گرد و نواح میں تیز ہواؤں اور گرج چمک کے ساتھ بارش کا امکان ہے۔
