کراچی میں عید پر موسم کیسا رہے گا، محکمۂ موسمیات نے پیش گوئی کر دی

محکمۂ موسمیات نے عید کے دنوں میں کراچی کا موسم گرم اور خشک رہنے کی پیش گوئی کر دی ہے۔

محکمۂ موسمیات کے مطابق کراچی میں عید کے دنوں میں زیادہ سے زیادہ درجۂ حرارت 35 سے 37 ڈگری سینٹی گریڈ تک رہنے کا امکان ہے۔ صبح میں شمال مغرب سے گرم اور خشک ہوائیں چل سکتی ہیں جبکہ شام میں سمندری ہوائیں بحال ہونے کا امکان ہے۔ محکمۂ موسمیات نے کہا ہے کہ شہرِ قائد میں 4 اپریل سے درجۂ حرارت میں مزید اضافے کا امکان ہے۔

دوسری جانب ملک کے بیشتر علاقوں میں آج موسم خشک اور میدانی علاقوں میں گرم رہے گا،محکمہ موسمیات نے آئندہ چوبیس گھنٹے کے دوران کراچی، کوئٹہ، لاہور، اسلام آباد اور پشاور سمیت بیشتر علاقوں میں موسم خشک اور گرم رہنے کی پیشگوئی کی ہے جبکہ کشمیر اور گلگت بلتستان میں موسم خشک رہے گا۔

اسلام آباد میں آج موسم خشک اور گرم ہے، اور درجہ حرارت میں مزید اضافے کا امکان ہے تاہم موسم کی یہی صورتحال عید کے دوران بھی برقرار رہے گی۔

Web Desk