کراچی کے ٹرکوں، ٹرالروں کے گزرنے کے لیے لیاری ایکسپریس وے کے متوازی ایک اور سڑک بنانے کا فیصلہ کیا گیا ہے۔ میڈیا رپورٹ کے مطابق لیاری ایکسپریس وے کے ساتھ نئی سڑک بننے سے 25 کلومیٹر کاریڈور سے 24 گھنٹے ہیوی ٹریفک گزر سکے گی۔
رپورٹ کے مطابق ایگزم بینک کوریا نے لیاری ایکسپریس وے کے متوازی ایک اور سڑک بنانے کے منصوبے کے لیے گرانٹ دے دی ہے۔ منصوبے کی فزیبلٹی سٹڈی 8 ماہ میں مکمل ہو گی اور منصوبے پر کام اس کے بعد شروع ہو گا۔
