محکمہ موسمیات نے کراچی میں آج رات سے سردی کی شدت میں اضافہ اور درجہ حرارت 11 ڈگری تک گرنے کی پیشگوئی کی ہے۔ محکمہ موسمیات کا کہنا ہے کہ شہر میں کم سے کم درجہ حرارت 14 ڈگری ڈگری سینٹی گریڈ ریکارڈ کیا گیا ہے، آئندہ 24 گھنٹوں کے دوران شہر میں موسم خشک اور رات خنک ہوگی، 24 سے 26 جنوری کے درمیان سردی کی شدت بڑھے گی اور اس دوران پارہ مزید گرنے کا امکان ہے۔
محکمہ موسمیات نے بتایا کہ شہر میں اس وقت موسم سرد اور خشک ہے، موجودہ درجہ حرارت 16 ڈگری سینٹی گریڈ ہے اور شمالی سمت سے نو کلو میٹرفی گھنٹہ کی رفتار سے ہوا چل رہی ہے۔ جبکہ ہوا میں نمی کا تناسب 32 فیصد ہے۔
موسمیات نے کہا ہے کہ سندھ کے بیشتر اضلاع میں موسم سرد اورخشک رہنے کا امکان ہے جبکہ رات کے اوقات میں سکھر ، لاڑکانہ اور گردونواح میں ہلکی دھند پڑنے کی توقع ہے۔
