سال 2024 کے دوران سندھ بھر میں 3 ہزار 618 پولیس مقابلے ہوئے جس میں دہشت گردوں ،ڈاکوؤں، اغواکاروں اور ٹارگٹ کلرز سمیت 344 ملزمان ہلاک ہوئے، ہلاک ملزمان میں9 دہشت گرد، 5 نوٹیفائیڈ ڈاکو، 3 اغوا کار جبکہ اسٹریٹ کرائم اور ڈکیتیوں میں ملوث 323 ڈکیت اور اسٹریٹ کرمنلز شامل ہیں۔ صوبے بھر میں ہونے والے ان مقابلوں میں پولیس کے 35 اہلکار شہید اور 137 زخمی بھی ہوئے۔
ان پولیس مقابلوں کے دوران پولیس نے 26 ہزار 597 ملزمان کو گرفتار کیا جن کے قبضے سے 9 ہزار 322 ہتھیار برآمد ہوئے، اسلحے کے علاوہ دستی بن، آئی ای ڈیز، اینٹی ائر کرافٹ گنز ایل ایم جیز، جی تھری، ایم پی فائیو رائیفل،ایس ایم جیز، شارٹ گنز، پستول ، ریوالور، بم بنانے کا سامان اور دھماکہ خیز مواد بھی برآمد کیا گیا
سندھ پولیس نے سال بھر کے دوران 1 ہزار 677 گینگز کا خاتمہ کرتے ہوئے 6 ہزار 826 ملزمان کو رنگے ہاتھوں گرفتار بھی کیا رواں برس 80 بھتہ خوروں، 30 ہزار 748 مفرور و اشتہاری ملزمان اور 794 پتھاریداروں کو بھی گرفتار کیا گیا۔
