-
-
کراچی میں کیماڑی کے علاقے میں گھر میں یوپی ایس میں آگ لگنے سے بیٹری دھماکے سے پھٹ گئی، حادثے میں 6 بچیاں جھلس کر زخمی ہوگئیں، جنہیں اسپتال منتقل کردیا گیا۔
پولیس کے مطابق کیماڑی کچھی پاڑہ میں گھر میں یو پی ایس میں آگ لگنے کے بعد بیٹری دھماکے سے پھٹ گئی جس سے پورا گھر آگ کی لپیٹ میں آگیا، آگ کی شدت دیکھ کر اہلخانہ سمجھے کے سلینڈر پھٹا ہے۔
فائر بریگیڈ کے آگ بجھانے کے بعد پولیس نے متاثرہ گھر کا مشاہدہ کیا تو گھر میں سلینڈر پھٹنے کے کوئی شواہد نہیں ملے۔
آتشزدگی میں پانچ بہنیں زخمی ہوئی ہیں، جن کی عمریں 3 سے 14 سال کے درمیان ہیں، زخمی بچیوں کو سول اسپتال کے برنس وارڈ میں طبی امداد دی گئی، زخمی بچیوں کی حالت خطرے سے باہر ہے۔
زخمیوں بچیوں میں 3 سال کی عشاء، 5سال کی علیشاہ، 7 سال کی مناہل، 9 سال کی تعبیر ، 11 سال کی عائزہ اور 14 سالہ بشریٰ شامل ہیں، زخمی بچیوں کی حالت خطرے سے باہر ہے۔
