پاکستان کے لڑاکا طیارے جے ایف 17 سی کو آذربائیجان کی فضائیہ کے بیٹرے میں شامل کیا گیا۔ جے ایف 17 سی طیارے پاکستان اور چین کے اشتراک سے بنائے گئے ہیں۔
روسی خبر رساں ایجنسی کے مطابق آذر بائیجان کی وزارت دفاع نے پاکستان کی جانب سے فراہم کردہ جےایف 17 سی جنگی طیارے آذربائیجان کی فضائیہ کے بیڑے میں شامل کیا ہے۔ آذربائیجان کے صدر الہام علیوف نے پاکستانی فوجی حکام کے ہمراہ طیارے کی مہارت کا مشاہدہ کیا۔ صدر الہام علیوف نے جہاز میں بیٹھ کر بھی اس کا جائزہ لیا۔
خبرایجنسی کا کہنا ہے کہ جےایف 17 سی طیارے پاکستان ایروناٹیکل کمپلیکس اور چین کی چینگڈو ائیرکرافٹ کارپوریشن کےاشتراک سے بنائےگئے ہیں۔ روسی خبر رساں ایجنسی کے مطابق رواں سال کے آغاز میں پاکستانی میڈیا نے رپورٹ کیا تھا کہ آذربائیجان جے ایف 17 سی طیاروں کی خریداری کا ارادہ رکھتا ہے، یہ معاہدہ تقریباً 1.6 ارب ڈالر کی مالیت کا ہے۔
رپورٹ کے مطابق یہ جدید، ہلکے اور ہر موسم کے طیارے ہیں، جو دن اور رات میں آپریشنز کے لیے ڈیزائن کیےگئے ہیں۔
