کراچی میں شارع فیصل پر ایم کیو ایم پاکستان کی جانب سے فلسطینیوں سے اظہار یک جہتی ریلی نکالی جارہی ہے، جس کے لیے ٹریفک پولیس نے متبادل راستوں پر مشتمل ٹریفک پلان جاری کردیا ہے۔
ٹریفک پولیس کے مطابق آواری ٹاور، صدر سے ائر پورٹ جانے والے شہری ایف ٹی سے کورنگی روڈ کا راستہ اختیار کریں یا سندھی مسلم سے اللہ والی سگنل سے ہوتے ہوئے یونیورسٹی روڈ کا راستہ اختیار کریں۔
ائر پورٹ سے صدر جانے والے شہری ڈرگ روڈ سے راشد منہاس روڈ کا راستہ اختیار کریں جبکہ کارساز سے آنے والے شہری بلوچ کالونی برج سے ایکسپریس وے کا راستہ اختیار کریں ۔
ٹریفک پولیس کا کہنا ہے کہ فلسطین ریلی کی وجہ سے شارع قائدین، طارق روڈ، کوریڈور تھری، ایم اے جناح روڈ، شہید ملت روڈ اور کارساز روڈ پر ٹریفک کا دباؤ بڑھ جائے گا۔
ٹریفک پولیس کے اعلامئے کے مطابق عوام کسی بھی پریشانی یا زحمت کی صورت میں ٹریفک پولیس کی ہیلپ لائن 1915 پر کال کرکے رہنمائی حاصل کرسکتے ہیں۔
