-
-
پہلگام حملے کے بعد سے جاری پاک بھارت کشیدگی کم کرانے کے لیے عالمی برادری سرگرم ہو گئی ہے۔
سعودی وزارت خارجہ نے پاکستان اور بھارت کو کشیدگی سے گریز کرنے اور اپنے تنازعات سفارتی سطح پر حل کرنے کا مشورہ دیا ہے جبکہ کویت کا کہنا ہے کہ دونوں ملک تحمل اور برداشت کا دامن تھامیں اور کشیدگی سے بچنے کی کوشش کریں۔
دوسری جانب کل رات امریکی وزیر خارجہ مارکو روبیو نے بھی وزیر اعظم شہباز شریف اور بھارتی وزیر خارجہ جے شنکر سے ٹیلی فون پر بات چیت کی اور بھارت پر زور دیا کہ بھارت پاکستان کے ساتھ کشیدگی کم کرے۔
اس سے قبل کشیدگی میں کمی کے لیے ایران نے ثالثی کی پیشکش کی ہے جبکہ ترکیے کے صدر طیب ایردوان نے پاکستان اپنی بھرپور حمایت کا اعادہ کیا ہے۔ چین نے بھی کہا ہے کہ پاکستان کی خودمختاری اور سلامتی کے تحفظ کی مکمل حمایت کرتے ہیں۔
