-
-
متنازع کینال منصوبہ واپس لینے پر وفاقی حکومت رضامند ہو گئی، اے آر وائی نیوز کے مطابق پاکستان پیپلز پارٹی کے سخت مؤقف اور ڈٹے رہنے کی وجہ سے آخر کار وفاقی حکومت نے کینال بنانے کے معاملے پر اپنا فیصلہ واپس لینے پر رضا مندی ظاہر کر دی ہے۔
میڈیا رپورٹ کے مطابق وفاقی حکومت کی جانب سے کینال تعمیر کرنے کا فیصلہ واپس لینے کا اعلان آج شام کیا جائے گا، جب کہ وزیر اعظم شہباز شریف اور بلاول بھٹو کی ملاقات آج 4 بجے اسلام آباد میں ہوگی، وزیر اعلیٰ سندھ مراد علی شاہ بھی اس ملاقات میں شریک ہوں گے۔
یاد رہے کہ دو دن قبل وزیر اعلیٰ سندھ مراد علی شاہ نے کہا تھا کہ کینال منصوبہ خواہ کسی نے بھی بنایا ہو، سندھ حکومت اسے منظور نہیں ہونے دے گی، وزیر اعظم کو بھی اس کے نتائج معلوم ہیں۔
سی ایم سندھ کے مطابق جولائی 2024 سے اس نہر منصوبے پر کام اور نومبر سے ایکنک میں منظوری رکی ہوئی ہے۔ انھوں نے واضح کیا کہ ہم اس بات پر ناخوش ہیں کہ اب تک اس منصوبے کو ختم کیوں نہیں کیا گیا۔
