-
-
کراچی میں وزیراعلیٰ سندھ مراد علی شاہ کی ہدایت پر ٹریفک قوانین کی خلاف ورزی پر کریک ڈاؤن جاری ہے۔ ٹریفک پولیس نے 9سے 18 اپریل تک کی پیش رفت رپورٹ وزیراعلیٰ سندھ کو پیش کر دی ہے
رپورٹ کے مطابق ہیلٹمٹ نہ ہونے اور ٹریفک قوانین کی خلاف ورزی پر پر 15217 موٹرسائیکلز ضبط کی گئیں ہیں جبکہ فینسی نمبر پلیٹس اور کاکے شیشوں کی 1124 گاڑیوں کے خلاف کارروائی کی گئی
رپورٹ میں مزید کہا گیا ہے کہ 274 ڈمپر اور ٹینکرز کی فٹنس اور اوور اسپیڈ کرنے پر ضبط کی گئیں
ٹریفک پولیس نے بڑی اور چھوٹی 25 گاڑیوں کی فٹنس نہ ہونے پر رجسٹریشن منسوخ کرنے کی سفارش کی ہے جبکہ فٹنس نہ ہونے پر 200 بڑی اور چھوٹی گاڑیوں کی رجسٹریشن عارضی منسوخ کی بھی سفارش کی گئی ہے۔
وزیراعلیٰ سندھ کے احکامات
دوسری جانب وزیراعلیٰ سندھ اوور اسپیڈنگ کرنے والوں کے خلاف فوری کارروائی کا حکم دیا ہے۔ انہوں نے کہا کہ نابالغ ڈرائیورز کو ہرگز سڑکوں پر نہ آنے دیا جائے۔
وزیراعلیٰ سندھ کا کہنا تھا کہ لائسنس کے بغیر گاڑی چلانے والوں کے خلاف سخت ایکشن لیا جائے، ٹریفک سگنلز کی خلاف ورزی پر جرمانے کیے جائیں، گاڑیوں میں پریشر ہارن کے استعمال پر مکمل پابندی عائد کی جائے۔
وزیراعلیٰ سندھ نے پیدل چلنے والوں کے لیے زیبرا کراسنگ پر خصوصی اقدامات کی بھی ہدایت کی۔ اس کے ساتھ ساتھ گاڑیوں میں اضافی لائٹس اور غیر ضروری آوازوں پر فوری چالان کرنے اورعوامی آگاہی مہم کے ذریعے ٹریفک قوانین کا شعور بڑھانے کے بھی احکامات دئیے۔
