کمشنر کراچی نے شہر میں دن کے اوقات میں ہیوی ٹریفک پر مکمل پابندی عائد کردی

کمشنر کراچی کی جانب سے شہر میں ٹریفک حادثات پر قابو پانے کے لئے ایک اور حکم نامہ جاری کردیا گیا ہے۔ جاری کردہ حکم نامے کے مطابق شہر میں دن کے اوقات میں ہیوی ٹریفک پر مکمل پابندی عائد کرتے ہوئے دفعہ 144 نافذ کردی ہے، پابندی کا اطلاق تعمیراتی مال بردار ڈمپرز پر بھی ہوگا۔

نوٹیفکیشن میں کہا گیا ہے کہ ہیوی ٹریفک کو صبح 6 بجے سے رات 10 بجے تک شہر میں داخلے کی اجازت نہیں ہوگی، ہیوی ٹریفک پر شہر میں داخلہ پر پابندی ڈی آئی جی ٹریفک کی سفارش پر لگائی گئی۔

مزید پڑھیں:کراچی میں ہیوی ٹریفک کیلئے لیاری ایکسپریس وے کے متوازی ایک اور سڑک بنانے کا فیصلہ

حکم نامے کے مطابق ہیوی ٹریفک کو سپرہاوے سے نیو کراچی انڈسٹریل ایریا براستہ سلپ روڈ چلنے کی اجازت ہوگی، نیشنل ہائی وے سے گودام چورنگی براستہ منزل پیٹرول پمپ، یونس چورنگی، داؤد چورنگی سے جام صادق چلنے کی اجازت ہوگی۔

اس کے علاوہ ناردرن بائی سے پراچہ چوک، اسٹیٹ ایونیو، سیمینز چورنگی سے گلبائی ماڑی پور روڈ پر ہیوی ٹریفک کو آمدورفت کی اجازت ہوگی۔

Web Desk