-
-
وزیراعظم شہباز شریف نے کہا ہے کہ عالمی منڈی میں تیل کی قیمتیں کم ہوئی ہیں، اس کا فائدہ عوام کو منتقل کرنے کے بجائے بلوچستان پر لگائیں گے۔
اسلام آباد میں وفاقی کابینہ اجلاس سے خطاب میں وزیراعظم نے کہا کہ اس رقم سے کچھی کینال اور کوئٹہ کراچی ایم 25 بنائیں گے، بجلی پہلے ہی ساڑھے سات روپے فی یونٹ سستی کرچکے ہیں، بجلی قیمتیں کم ہونے سے معیشت کو فائدہ پہنچے گا۔
مزید پڑھیں:یکم دسمبر سے پیٹرولیم مصنوعات کی قیمتوں میں اضافے کا امکان، پیٹرول کتنا مہنگا ہوگا؟
شہباز شریف نے یہ بھی کہا کہ بجلی قیمتیں کم کرنا بہت بڑا چیلنج تھا، حالیہ کمی سے معیشت کو فائدہ پہنچے گا۔ وزیراعظم نے کہا کہ موٹر وے ایم 6 اور ایم 9 وفاق بنائے گا، سکھر تا حیدرآباد موٹروے جدید طرز پر بنے گی۔
انہوں نے کہا کہ ایران میں 8 پاکستانیوں کو قتل کیا گیا، اس واقعے کی جتنی مذمت کی جائے کم ہے، ایرانی حکومت نے قاتلوں کو گرفتار کرکے سزا دینے کی یقین دہانی کرائی ہے۔ دوران اجلاس وزیراعظم شہباز شریف نے صدر مملکت آصف علی زرداری کی بہتر صحٹ کےلیے دعا بھی کی۔
