-
-
کراچی سے جانے اور آنے والی متعدد ٹرینیں گھنٹوں تاخیر کا شکار ہیں۔ ریلوے حکام کے مطابق رحمان بابا ایکسپریس 12 بجے کے بجائے 1 گھنٹے کی تاخیر کے بعد دوپہر 1 بجے روانہ ہوگی۔
نوٹیفیکیشن میں بتایا گیا ہے کہ پاکستان ایکسپریس 2 کے بجائے 45 منٹس کی تاخیر کے بعد 2 بجکر 45 منٹس پر، قراقرم ایکسپریس 3 کے بجائے 2 گھنٹے 45 منٹس کی تاخیر کے بعد شام کو 5 بجکر 45 منٹس پر روانہ ہوگی۔
مزید پڑھیں:اندرون ملک موسم کی خرابی، کراچی سے چلنے والی ٹرینیں 2 سے 6 گھنٹے تاخیر کا شکار
علامہ اقبال ایکسپریس 3 بجکر 30 منٹس کے بجائے 1 گھنٹے 15 منٹس کی تاخیر کے بعد 4 بجکر 45 منٹس پر جبکہ پاک بزنس ایکسپریس شام 4 کے بجائے 1 گھنٹے کی تاخیر کے ساتھ 5 بجے روانہ ہوگی۔
اعلامیے کے مطابق کراچی سے لالہ موسیٰ وایا فیصل آباد جانے والی ملت ایکسپریس شام 5 کے بجائے 5 گھنٹے 45 منٹس کی تاخیر کے بعد رات کو 10 بجکر 45 منٹس پر روانہ ہوگی اور شاہ حسین ایکسپریس 7 بجکر 30 منٹس کے بجائے 3 گھنٹے 30 منٹس کی تاخیر کے ساتھ رات 11 بجے روانہ ہو گی۔
ریلوے حکام نے مزید بتایا ہے کہ دیگر تمام ریل گاڑیاں اپنے مقررہ وقت پر روانہ ہوگئی۔
