-
-
کمشنر کراچی سید حسن نقوی کی ہدایت پر شہر کے مختلف بس ٹرمنلز اور اڈوں پر انٹر سٹی بسوں میں مقررہ کرایوں کی خلاف ورزی کے معاملے پر ڈپٹی کمشنر شرقی اور صوبائی ٹرانسپورٹ اتھارٹی نے کارروائی کی ہے۔
تفصیلات کے مطابق ڈپٹی کمشنر شرقی اور صوبائی ٹرانسپورٹ اتھارٹی کی جانب سے کراچی ٹول، کراچی بس ٹرمنل اور پنجاب اڈے سمیت مختلف ٹرمنلز اور اڈوں پر کارروائی کی گئی اور مسافر وں کو کرائے واپس کراے گئے۔
ترجمان کمشنر کراچی کے مطابق 27 مارچ کو خلاف ورزی کے مرتکب بسوں کے خلاف کارروائی کی رپورٹ کمشنر کراچی کو پیش کی گئی، رپورٹ کے مطابق کراچی ٹول پر 213 بسوں میں کرائے چیک کئے گئے۔
ڈپٹی کمشنر شرقی ابرار جعفر نے بتایا کہ مجموعی طور پر مسافروں سے زائد وصول کئے گئے چھ لاکھ 13 ہزار روپے واپس کرائے گئے، زائد کرائہ وصول کرنے والی 87 بسوں کا چالان کیا گیا 2 لاکھ 93 ہزار روپے جرمانہ عائد کیا گیا۔
ڈپٹی کمشنر کے مطابق کراچی بس ٹرمنل پر 151 بسوں میں مسافر وں سے کرایہ چیک کیا گیا، مسافر وں سے زائد لیا جانے والا کرایہ واپس کرایا گیا، مجموعی طور پر کراچی بس ٹرمنل پر 2لاکھ 75 ہزار روپے مسافروں کو واپس کیے گئے۔
روپورٹ کے مطابق پنجاب اڈے پر کارروائی کے دوران 171 بسوں میں مسافروں سے کراے چیک کئے گئے، 3 لاکھ 78ہزار 500 روپے مسافروں کو واپس کرائے گئے۔
کمشنر کراچی سید حسن نقوی نے کہا کہ شہری زائد کرایہ لینے والوں کی شکایت کریں۔ ترجمان کے مطابق بس ٹرمنل اور بس اسٹینڈز پر اسسٹنٹ کمشنر کی نگرانی میں ہیلپ ڈیسک قائم کردئے گئے ہیں پی ٹی اے اور انتظامیہ کا عملہ خصوصی طور پر تعینات کیا گیا ہے شہری مدد کے لئے رابطہ کریں۔
