-
-
قومی گیمز کیلئے کراچی میں 21 مقامات کا انتخاب کرلیا گیا ہے۔ جنگ نیوز کے مطابق عبد الستار ایدھی ہاکی اسٹیڈیم کو افتتاحی اور اختتامی تقریب کیلئے فائنل کر لیا ہے۔
میڈیا رپورٹ کے مطابق تمام ایونٹ کراچی میں ہی کرائے جائیں گے، پی او اے کی ٹیکنیکل کمیٹی نے 21مقامات کو حتمی شکل دے دی ہے، سندھ حکومت قومی گیمز کیلئے رواں ماہ کے آخر میں فنڈ جاری کرے گی۔
دوسری جانب ادھر منتظمین نے کھیلوں میں کینوئنگ کو شامل کرنے سے انکار کردیا ہے، ان کا کہنا ہے کہ کینوئنگ فیڈریشن کا کوئی یونٹ سندھ میں نہیں ہے،اور نہ ہی پی او اے اسے تسلیم کرتی ہے۔ گورنر بلوچستان شیخ جعفر خان مندوخیل نے کینوئنگ کو قومی گیمز میں شامل کر نے کا مطالبہ کیا ہے۔
