کراچی سمیت سندھ بھر میں ملیریا اور ڈینگی کے کیسز میں اضافہ ہورہا ہے۔ سندھ بھر میں رواں سال جنوری سے 7 مارچ تک ملیریا کے 5 ہزار 437 کیسز سامنے آئے۔
ترجمان محکمۂ صحت سندھ کے مطابق کراچی سے ملیریا کے 117 کیسز رپورٹ ہوئے، سب سے زیادہ ضلع جنوبی سے 40 کیسز رپورٹ ہوئے ہیں۔ ملیریا کے کراچی کے ضلع ملیر سے 39، ضلع غربی سے1، ضلع کورنگی سے 14، ضلع شرقی سے 4 اور ضلع وسطی سے 2 کیسز رپورٹ ہوئے۔ ترجمان کے مطابق رواں سال ضلع کیماڑی سے ملیریا کا کوئی کیس سامنے نہیں آیا۔
محکمہ صحت سندھ کے ترجمان کا کہنا ہے کہ حیدرآباد ڈویژن سے ملیریا کے 2 ہزار 325 کیسز رپورٹ ہوئے، سکھر ڈویژن سے 488 کیسز سامنے آئے، ملیریا کے لاڑکانہ ڈویژن سے 1 ہزار 294، میرپور خاص ڈویژن سے 618، شہید بینظیر آباد ڈویژن سے 595 کیسز رپورٹ ہوئے۔
ڈینگی کیسز میں بھی اضافہ:
ترجمان محکمۂ صحت سندھ کے مطابق ک جنوری 2025 سے اب تک سندھ میں ڈینگی کے 148 کیسز سامنے آئے جبکہ صرف کراچی سے 132 ڈینگی کے کیسز رپورٹ ہوئے۔ ترجمان نے بتایا کہ کراچی میں مارچ میں اب تک ڈینگی کے 10 کیسز سامنے آ چکے ہیں۔ کیسز رپورٹ ہوئے، سب سے زیادہ ضلع جنوبی سے 40 کیسز رپورٹ ہوئے۔
