محکمہ موسمیات نے شہرقائد میں ہفتہ اور اتوار کو درجہ حرارت سنگل ڈیجیٹ تک گرنے کی پیش گوئی کردی ہے۔ محکمہ موسمیات کے مطابق کراچی میں یخ بستہ ہواؤں کے باعث گزشتہ رات سے سردی کی شدت میں اضافہ ہوگیا ہے۔ ہفتے اور اتوار کو پارہ سنگل ڈیجٹ تک جاسکتا ہے اور ٹھنڈی ہوائیں بھی چلیں گی۔ محکمہ موسمیات نے بتایا کہ سردی کی حالیہ لہر جنوری کے اختتام تک جاری رہے گی۔
محکمہ موسمیات نے کہا ہے کہ رات کم سے کم درجہ حرات10.9ڈگری سینٹی گریڈریکارڈہوا، شمال مشرق سمت سے 7 کلومیٹرفی گھنٹہ کی رفتار سے ہوا چل رہی ہے جبکہ ہوا میں نمی کا تناسب 35 فیصد ہے۔
دوسری جانب ملک بھرمیں سردی کی شدت برقرارہے، بالائی علاقوں میں پہاڑوں پربرف کی سفیدی چھائی ہے اور درجہ حرارت بدستورنقطہ انجماد سے نیچے ہے۔ بلوچستان میں بھی بارش اوربرف باری کےبعد خون جما دینے والی سردی ہے، لہہ میں پارہ منفی بارہ ریکارڈ کیا گیا۔ کالام، گوپس اور استور میں منفی نو تک گرگیا جبکہ قلات منفی اٹھ، اسکردو منفی چھ، ہنزہ اور کوئٹہ منفی چار جبکہ مالم جبہ اور دیر میں منفی تین سینٹی گریڈ ریکارڈ کیا گیا۔
