کراچی، کورنگی میں بینک سے رقم لیکر آنے والے شہری کو ڈاکووں نے گھر کے آگے سے لوٹ لیا

کراچی کے علاقے کورنگی میں بینک سے رقم لیکر آنے والے شہری کو مسلح ملزمان نے گھر کے باہر سے ہی لٹ لیا۔ میڈیا رپورٹ کے مطابق کراچی میں ایک اور ڈکیتی کا واقعہ پیش آیا ہے جہاں کورنگی میں بینک سے رقم لیکر آنے والے شہری کو ملزمان نے لوٹ لیا۔

میڈیا رپورٹ کے مطابق ڈکیتی کا واقعہ کورنگی نمبر 3 سیکٹر 35 سی میں پیش آیا ہے، سی سی ٹی وی فوٹیج میں ملزمان کو شہری کا تعاقب کرتے دیکھا گیا ہے۔ شہری کا کہنا ہے کہ بینک سے رقم لیکر جیسے ہی گھر پہنچا ملزمان نے اسلحہ دکھا کر لوٹ لیا، ڈاکووں نے واردات کے دوران شناخت چھپانے کیلئے ماسک کا استعمال کیا، متاثرہ شہری نے قانونی کارروائی کے لئے درخواست جمع کر وادی۔