دنیا کے نامور فٹبالر کھلاڑی کرسٹیانو رونالڈو کا سعودی کلب النصر سے نئے معاہدے کا اعلان آج ہوگا۔ غیر ملکی خبر ایجنسی کی رپورٹ میں بتایا گیا ہے کہ دنیا کے مقبول اور کامیاب ترین کھلاڑی 39 سالہ رونالڈو کے نئے معاہدے کے مطابق وہ روزانہ 5 لاکھ 50 ہزار یورو کمائیں گے، جو پاکستانی کرنسی میں کرسٹیانو رونالڈو روزانہ تقریباً 16 کروڑ روپے معاوضہ لیں گے۔
رپورٹس کے مطابق النصر کلب سے نئے معاہدے کے بعد کرسٹیانو رونالڈو دُنیا کے سب سے زیادہ معاوضہ لینے والے فٹ بالر بن جائیں گے۔ وہ کلب سے سالانہ 183 ملین یورو تنخواہ لیں گے جس کی مالیت پاکستانی کرنسی میں 52 ارب روپے سے زائد بنتی ہے۔ رونالڈو کو کلب میں پارٹنر شپ کی بھی پیشکش کی گئی ہے۔
