کراچی کے علاقے منگھوپیر غریب آباد کے گھر میں پانی کے زیر زمین ٹینک میں پانچ سالہ بچہ ڈوب کر جاں بحق ہوگیا ہے۔ میڈیا رپورٹس کے مطابق بچے کی لاش ایدھی ایمبولینس کے ذریعے عباسی شہید اسپتال منتقل کی گئی جہاں متوفی بچے کی شناخت 5 سالہ محمد ہادی ولد عبدالرزاق کے نام سے کی گئی ہے۔
ایس ایچ او منگھوپیر عمران خان کا کہنا ہے کہ متوفی بچہ صبح وقت سے پہلے سوکر اٹھ گیا تھا جبکہ گھر کے صحن میں بنے زیر زمین پانی کے ٹینک کا ڈھکن صحیح طرح سے بند نہیں تھا، متوفی بچہ اٹھ کر گھر کے صحن میں پہنچا تو اس کا پیر زیر زمین پانی کے ٹینک کے ڈھکن پر پڑا تو ٹینک کا ڈھکن ہٹ گیا اور بچہ پانی کے ٹینک میں گر گیا۔
ایس ایچ او منگھوپیر کے مطابق شور ہونے پر گھر والے سو کر اٹھے اور بچے کو بچانے کی کوشش کی لیکن چند منٹوں میں بچہ ڈوب کرجاں بحق ہوگیا۔ انھوں نے بتایا کہ متوفی بچے کے اہلخانہ کسی قسم کی کوئی کارروائی کروانا نہیں چاہتے ہیں۔
