اسٹیٹ بینک آف پاکستان نےنومبر2024تک وفاقی حکومت کےقرضوں کا ڈیٹاجاری کردیا ہے۔ اسٹیٹ بینک کے مطابق نومبر 2024 تک مرکزی حکومت کے قرضے ملکی تاریخ کی بلند ترین سطح 70 ہزار 366 ارب روپے پر پہنچ گئے ۔
اسٹیٹ بینک آف پاکستان کے مطابق وفاقی حکومت کا قرضوں پرانحصار مزید بڑھ گیا ہے۔ رواں مالی سال کے پہلے پانچ ماہ جولائی سے نومبر 2024کےدوران وفاقی حکومت کےقرضوں میں ایک ہزار452 ارب روپےجبکہ نومبر کےایک مہینےمیں مرکزی حکومت کےقرضوں میں ایک ہزار 252ارب روپےکااضافہ ہوا ہے۔
اسٹیٹ بینک کی رپورٹ کے مطابق دسمبر2023سےنومبر 2024کےایک سال میں وفاقی حکومت کےقرضوں میں6 ہزار975ارب روپے کا اضافہ ریکارڈ کیا گیا۔ نومبر2024تک وفاقی حکومت کے قرضوں کا حجم 70ہزار366ارب روپے رہاجس میں مقامی قرضہ48 ہزار585ارب روپے اور بیرونی قرضےکا حصہ21ہزار780ارب روپے تھا۔
