کراچی کے مختلف علاقوں میں ایک ماہ سے پانی تاحال معطل، شہری شدید پریشان

کراچی کے مختلف علاقوں میں ایک ماہ سے پانی کی فراہمی معطل ہے جس کے باعث شہری بدترین پریشانی کا شکار ہیں۔ جنگ نیوز کے مطابق کھارادر، اولڈ سٹی ایریا ، کورنگی، لانڈھی، ملیر، قائد آباد، گلشن اقبال، نارتھ کراچی، گلستان جوہر اور ملحقہ علاقوں میں پانی کی سپلائی اب تک بحال نہ ہوسکی۔

رپورٹ کے مطابق یونیورسٹی روڈ پر گریٹر فیز 2 لائن تین بار پھٹنے سے 70 فیصد شہر کو پانی کی فراہمی بند ہوئی تھی۔ دوسری جانب واٹر کارپوریشن نے دعوی کیا ہے کہ مرمت مکمل کرکے شہر میں پانی کی فراہمی شروع کردی گئی ہے۔