کراچی میں آئندہ 24 گھنٹوں کےدوران موسم سرد اور خشک رہنےکا امکان ہے۔ کراچی میں کم سے کم درجہ حرارت 12 ڈگری سینٹی گریڈ رہنے کا امکان ہے محکمہ موسمیات کے مطابق شہر میں ہوا میں نمی 41فیصد جب کہ شمال مغرب سےچلنےوالی ہواکی رفتار 7 کلو میٹر فی گھنٹہ ہے۔ کراچی آلودہ ترین شہروں میں ساتویں نمبر پر ہے جس کا ائیر کوالٹی انڈیکس 189 ریکارڈ کیا گیا ہے۔
محکمہ موسمیات کا بتانا ہے کہ پنجاب، بالائی سندھ اور خیبر پختونخوا کے میدانی علاقوں میں صبح اور رات کے اوقات میں دُھند چھائے رہنے کی توقع ہے، دھند کے باعث موٹروےایم ون، رشکئی سے پشاورٹول پلازہ تک بند کردی گئی ہے ۔
محکمہ موسمیات کے مطابق دوسری جانب پہاڑی علاقوں میں صبح اور رات کے اوقات میں موسم شدید سرد رہنے کا امکان ہے، گلگت بلتستان ،کشمیر اور شمال مشر قی پنجاب میں مطلع جزوی ابر آلود رہنے کے علاوہ ہلکی بارش اور پہاڑوں پر ہلکی برفبا ری ہو سکتی ہے۔
فضائی آلودگی کے اعتبار سے پشاور ملک کا سب سے آلودہ ترین شہر قراردیا گیا ہے جہاں پارٹیکیولیٹ کی تعداد367 ریکارڈ کی گئی ہے۔ فضائی آلودگی کے اعتبار سے راولپنڈی کا دوسرا نمبر ہےجہاں پارٹیکیولیٹ کی تعداد 252 اور ہری پور میں 239 ریکارڈ کی گئی ہے جب کہ پارٹیکیولیٹ کی تعداد کے ساتھ ہری پور ملک کا تیسرا آلودہ ترین علاقہ ہے۔
