شعبہ تعلقات عامہ (آئی ایس پی آر) کے مطابق سانحہ 9 میں ملوث 25 ملزمان کو سزائیں سنادی گئی ہیں، جناح ہاؤس حملے میں ملوث جان محمد خان ولد طور خان کو 10 سال قید بامشقت، محمد عمران محبوب ولد محبوب احمدکو10 سال، علی افتخار ولد افتخار احمدکو10 سال، عبدالہادی ولد عبدالقیوم کو 10 سال، علی شان ولد نور محمد کو 10 سال قید بامشقت کی سزا سنائی گئی۔
داؤد خان ولد شاد خان کو 10 سال قید بامشقت، ضیا الرحمان ولد اعظم خورشید کو 10 سال، محمد حاشر خان ولد طاہر بشیرکو 6 سال، فہیم حیدر ولد فاروق حیدر کو 6 سال، محمد عاشق خان ولد نصیب خان کو 4 سال، محمد بلاول ولد منظور حسین کو 2 سال قید بامشقت کی سزا سنائی گئی ہے۔
جی ایچ کیو حملے میں ملوث راجہ محمد احسان ولد راجہ محمد مقصود کو 10 سال، عمر فاروق ولد محمد صابرکو 10 سال قید بامشقت کی سزا سنائی گئی ہے۔ پنجاب رجمنٹل سینٹر مردان حملے میں ملوث رحمت اللہ ولد منجور خان کو 10 سال، شاکر اللہ ولد انور شاہ کو 10 سال، عدنان احمد ولد شیر محمد کو 10 سال، سیِعد عالم ولد معاذ اللہ خان کو 2 سال، یاسر نواز ولد امیر نواز خان کو 2 سال قید بامشقت کی سزا سنائی گئی ہے۔
پی اے ایف بیس میانوالی حملے میں ملوث انور خان ولد محمد خان کو 10 سال، بابر جمال ولد محمد اجمل خان کو 10 سال، جبکہ بنوں کینٹ حملے میں ملوث محمد آفاق خان ولد ایم اشفاق خان کو 9 سال قید بامشقت کی سزا سنائی گئی۔ چکدرہ قلعہ حملے میں ملوث داؤد خان ولد امیر زیب کو 7 سال، ملتان کینٹ چیک پوسٹ حملے میں ملوث زاہد خان ولد محمد خان کو 4 سال، ملتان کینٹ چیک پوسٹ حملے میں ملوث خرم شہزاد ولد لیاقت علی کو 3 سال، آئی ایس آئی آفس فیصل آباد حملے میں ملوث لئیق احمد ولد منظور احمد کو 2 سال قید بامشقت کی سزا سنائی گئی ہے۔
آئی ایس پی آر کا کہنا ہے کہ دیگر ملزمان کی سزاؤں کا اعلان بھی اُن کے قانونی عمل مکمل کرتے ہی کیا جا رہا ہے 9 مئی کی سزاؤں کا فیصلہ قوم کے لیے انصاف کی فراہمی میں ایک اہم سنگ میل ہے 9 مئی کی سزائیں اُن تمام لوگوں کے لیے ایک واضح پیغام ہیں جو چند مفاد پرستوں کے ہاتھوں استحصال کا شکار ہوتے ہیں۔
آئی ایس پی آر نے کہا کہ سیاسی پروپیگنڈے اور زہریلے جھوٹ کا شکار بننے والے لوگوں کیلئے یہ سزائیں تنبیہ ہیں کہ مستقبل میں کبھی قانون کو ہاتھ میں نہ لیں، متعدد ملزمان کے خلاف انسداد دہشت گردی کی مختلف عدالتوں میں بھی مقدمات زیر سماعت ہیں، ، آئین اور قانون کے مطابق تمام سزا یافتہ مجرموں کے پاس اپیل اور دیگر قانونی چارہ جوئی کا حق ہے۔
آئی ایس پی آر کے مطابق صحیح معنوں میں مکمل انصاف اُس وقت ہوگا جب 9مئی کے ماسٹر مائنڈ اور منصوبہ سازوں کو آئین و قانون کے مطابق سزا مل جائے گی، ریاست ِ پاکستان 9مئی کے واقعات میں مکمل انصاف مہیا کر کے ریاست کی عملداری کو یقینی بنائے گی، 9 مئی مقدمہ میں انصاف فراہم کرکے تشدد کی بنیاد پر کی جانے والی گمراہ اور تباہ کُن سیاست کو دفن کیا جائے گا انہوں نے کہا کہ 9 مئی پر کئے جانا والا انصاف نفرت، تقسیم اور بے بنیاد پروپیگنڈا کی نفی کرتا ہے۔
