پاکستان ریلوے نے بے نظیر بھٹو شہید کی برسی پر خصوصی ٹرین چلانے کا اعلان کیا ہے۔ پاکستان ریلوے کی جانب سے خصوصی ٹرین کا نوٹیفکیشن جاری کیا گیا ہے، بے نظیر بھٹو شہید کی برس پرپاکستان ریلوے نے لاہور سے گڑھی خدا بخش کیلئے خصوصی ٹرین چلانے کا فیصلہ کیا ہے۔
نوٹیفکیشن کے مطابق خصوصی ٹرین 26 دسمبر کو دوپہر ایک بجے لاہور سے چلے گی اور 27دسمبر کوصبح ساڑھے 4 بجے شاہ نواز بھٹو اسٹیشن پر پہنچے گی۔ یہ خصوصی ٹرین 27 دسمبر کی شام 7بجے شاہ نواز بھٹو اسٹیشن سے واپس لاہور کے لئے روانہ ہوگی اور 28 کی صبح نو بج کر بیس منٹ پر لاہور اسٹیشن پہنچے گی۔
