خیبر پختون خوا کے ضلع لکی مروت کے بیٹانی-2 کنویں میں گیس اور کنڈینسیٹ کے نئے ذخائر دریافت ہو گئے ہیں۔ ترجمان کے مطابق آئل اینڈ گیس ڈیولپمنٹ کمپنی نے گیس اور کنڈینسیٹ کے نئے ذخائر دریافت کیے ہیں۔
ترجمان او جی ڈی سی ایل کے مطابق ولی بلاک ساماناسک فارمیشن میں یہ پہلی ہائیڈرو کاربن دریافت ہے۔ انہوں نے بتایا کہ ابتدائی طور پر یومیہ21 لاکھ 14ہزار مکعب فٹ گیس حاصل ہو گی جبکہ یومیہ 74 بیرل خام تیل ملے گا۔
ترجمان کا کہنا تھا کہ ساماناسک فارمیشن میں بیٹانی کنواں-2 او جی ڈی سی ایل کی اہم دریافت ہے۔ او جی ڈی سی ایل کے ترجمان نے مزید کہا کہ دریافت سے علاقے میں مزید کنویں کھودنے کی منصوبہ بندی کی جا رہی ہے۔
