کراچی میں پولیس کا مضرِ صحت تیل کے گودام پر چھاپہ، 2 ملزمان گرفتار،100 لیٹر تیل برآمد

کراچی کے علاقے شاہ لطیف ٹاؤن میں پولیس نے تیل کے گودام پر چھاپہ مار کر 2 ملزمان کو گرفتار کر لیا۔ ایس ایس پی ملیر کے مطابق گرفتار ملزمان تیل کے گودام میں گٹکا، ماوا اور مضرِ صحت تیل بناتے تھے۔

ایس ایس پی ملیر نے بتایا کہ ملزمان میر بخش، پیرمحمد کے گودام سے 100 لیٹر سے زائد مضرصحت کوکنگ آئل برآمد ہوا۔ ایس ایس پی ملیر کے مطابق ملزمان کے پاس سے 200 کلو کتھا، 80 کلو سے زائد چھالیہ اور 6 کلو پیک شدہ گٹکا و ماوا بھی برآمد ہوا۔

ایس ایس پی ملیر نے مزید بتایا کہ ملزمان گٹکا اور ماوا تیار کرکے مختلف علاقوں میں فروخت کرتے تھے

Web Desk