پاکستان کے سب سے بڑے شہر کراچی کا فضائی معیار آج انتہائی درجے تک مضرِ صحت ہے اس بات کا انکشاف بین الاقوامی ویب سائٹ ایئر کوالٹی انڈیکس کی درجہ بندی میں کیا گیا ہے۔
بین الاقوامی ویب سائٹ کے مطابق کراچی آلودہ ترین شہروں میں آج تیسرے نمبر پر ہے۔ شہر کی فضا میں آلودگی 215 پرٹیکیولیٹ میٹر ریکارڈ کی گئی ہے۔
علاوہ آزیں، لاہور آلودہ ترین شہروں میں سرِ فہرست ہے جہاں کی فضا میں آلودگی 303 پرٹیکیولیٹ میٹر ریکارڈ ہوئی ہے۔ اس فہرست میں بھارتی دارالحکومت دہلی 254 پرٹیکیولیٹ میٹر آلودگی کے ساتھ دوسرے نمبر پر جبکہ بھارتی شہر مبمئی 175 پرٹیکیولیٹ میٹر آلودگی کے ساتھ چوتھے نمبر پر موجود ہے۔
مزید پڑھیں:کراچی میں کل سے تیز ہوائیں چلنے کا امکان ہے، محکمۂ موسمیات
ایئر کوالٹی انڈیکس کی درجہ بندی کے مطابق 151 سے 200 درجے تک آلودگی مضرِ صحت ہے، 201 سے 300 درجے تک آلودگی انتہائی مضرِ صحت ہوتی ہے، جبکہ 301 سے زائد درجہ خطرناک آلودگی کو ظاہر کرتا ہے۔
