سعودی عرب نے انڈین پریمئیر لیگ (آئی پی ایل) کی طرز پر دنیا کی مہنگی ترین کرکٹ لیگ منعقد کرنے کی اطلاعات کو رد کردیا۔ میڈیا رپورٹس کے مطابق سعودی عرب میں گزشتہ دنوں انڈین پریمئیر لیگ (آئی پی ایل) کے ڈرافٹس کی تقریب منعقد ہوئی جس میں دنیا کے مہنگے ترین کھلاڑیوں کو کروڑوں روپوں میں خریدا اور اپنے اسکواڈ کا حصہ بنایا تاہم اِن میں کوئی پاکستانی کھلاڑی شامل نہیں تھا۔
رپورٹس میں بتایا گیا ہے کہ بھارت کے تعاون سے آئی پی ایل کی طرز پر اپنے ملک میں لیگ منعقد کرنے کی منصوبہ بندی کررہے ہیں تاہم مہنگی ترین کرکٹ لیگ کروانے کی خبروں میں کوئی سچائی نہیں۔
جدہ میں آئی پی ایل نیلامی کے موقع پر سعودی عریبیئن کرکٹ فیڈریشن کے چیئرمین شہزادہ سعود بن مشال کا کہنا تھا کہ ملک میں کرکٹ کے کھیل سے دلچسپی بڑھ رہی ہے، جلد فرنچائزز کیساتھ مل کر ٹورنامنٹ تشکیل دینے کی کوشش کریں گے۔
واضح رہے کہ گزشتہ برس اپریل میں خبریں سامنے آئیں تھی کہ سعودی عرب نے دنیا کی مہنگی ترین کرکٹ ٹی20 لیگ کا منصوبہ تیار کرلیا ہے اور جلد باقاعدہ آغاز کیا جائے گا۔
