شہر قائد میں اگلے 24 گھنٹوں کے دوران مطلع صاف اور دن میں تیز دھوپ رہنے کا امکان ہے۔ محکمۂ موسمیات کا کہنا ہے کہ آج کم سے کم درجہ حرارت 20.5 ڈگری سینٹی گریڈ ریکارڈ ہوا۔
کراچی میں آج کم سے کم درجۂ حرارت 18 سے 20 ڈگری سینٹی گریڈ جبکہ زیادہ سے زیادہ 30 سے 32 ڈگری سینٹی گریڈ رہنے کا امکان ہے۔ شہر میں شمال مشرق کی سمت سے ہوائیں چل سکتی ہیں، محکمۂ موسمیات کے مطابق کراچی کی فضا میں نمی کا تناسب 74 فیصد ریکارڈ ہوا ہے۔
شہر میں موسم سرما کے اثرات نمایاں ہونا شروع ہوگئے ہیں اور راتوں میں خنکی محسوس کی جا رہی ہے محکمۂ موسمیات کے مطابق سردی کا باقائدہ آغاز دسمبر سے ہوگا۔
