انسان نما ربورٹ کی تخلیق کردہ برطانوی ریاضی دان ایلن ٹیورنگ کی ایک تصویر جمعرات کو 13 لاکھ 20 ہزار ڈالر میں فروخت ہو گئی، جس کی پاکستانی کرنسی میں مالیت تقریبا 30 کروڑ روپے بنتی ہے۔
دنیا کی پہلی الٹرا- ریئلسٹک روبوٹ فنکار Ai-Da کا بنایا ہوا 2.2 میٹر (7.5 فٹ) کے پورٹریٹ A.I. Godکو جب لندن کے مشہور نیلام گھرSotheby’s میں ڈیجیٹل آرٹ سیل کے دوران پیش کیا گیا تو اس کی بولی توقعات سے بڑھ گئی۔ اس کی پیشگی تخمینہ قیمت ایک لاکھ 80 ہزار ڈالر رکھی گئی تھی، لیکن نیلامی میں یہ اس سے کہیں زیادہ قیمت پر فروخت ہوئی۔
Ai-Da کو دو سالوں میں پروگرامرز، روبوٹکس ماہرین، آرٹ ماہرین، اور ماہرین نفسیات کی ٹیم نے تیار کیا اور اسے اے آئی ٹیکنالوجی میں بہتری کے ساتھ اپڈیٹ کیا جاتا ہے۔ ʼحیران کن Ai-Da پہلی روبوٹ بن گئی جو آرٹسٹ کی طرح پینٹ کرتی ہے۔
نیلام گھر نے ایک بیان میں کہا کہ انسان نما روبوٹ آرٹسٹ کی پہلی آرٹ ورک کی نیلامی میں ریکارڈ توڑ قیمت آج کی تاریخ میں جدید اور عصری آرٹ کا ایک اہم لمحہ ہے اور عالمی آرٹ مارکیٹ میں اے آئی ٹیکنالوجی کے بڑھتے ہوئے انضمام کی عکاسی کرتا ہے۔
Ai-Da نے اپنے ہنر کے بارے میں کہا ہے کہ "میرے کام کی بنیادی قدر اس کی یہ صلاحیت ہے کہ یہ ابھرتی ہوئی ٹیکنالوجیز کے بارے میں مکالمے کے لیے محرک کے طور پر کام کر سکتی ہے
