کراچی میں ایک ہفتے کے دوران ٹریفک قوانین کی خلاف ورزی پر 18 ہزار 586 چالان کئے گئے۔ پولیس کے مطابق کراچی میں فینسی نمبرپلیٹس اورکالے شیشوں والی گاڑیوں کے خلاف کریک ڈاؤن جاری ہے، ایک ہفتے میں ٹریفک قوانین کی خلاف ورزی پر18 ہزار586چالان کئے گئے۔
ٹریفک پولیس نے بتایا کہ 2 ہزار 513چالان کالےشیشوں پر، ایک ہزار988 چالان فینسی نمبر پلیٹس اور 107 چالان پولیس بلیولائٹس لگانے پر کیے گئے، انہوں نے بتایا کہ 2 ہزار 513 چالان ٹریفک سگنل کی خلاف ورزی، 2 ہزار832 چالان ون وےکی خلاف ورزی اور 399 چالان اسٹاپ لائن کی پابندی نہ کرنے پر کیے گئے۔
پولیس نے مزید بتایا کہ غفلت اور لاپرواہی سےگاڑی چلانے والے افراد کے 887 چالان ہوئے جبکہ ایک ہزار 504 چالان ڈرائیونگ لائسنس نہ ہونے پرکیے گئے۔ اس کے علاوہ 205 چالان لین کےغلط استعمال پر جبکہ سب سے زیادہ 3 ہزار 364 چالان نوپارکنگ اور ایک ہزار 521 چالان موٹر سائیکل کے دونوں اطراف نمبر پلیٹس نہ ہونے پرکیے گئے، اس کے ساتھ ہی رکشوں کے753 چالان ہوئے۔
