کراچی میں آن لائن منشیات سپلائی کرنے میں ملوث 4 ملزمان کو گرفتار کرلیا گیا، ملزمان میں دو خواتین بھی شامل ہیں۔ میڈیا رپورٹ کے مطابق کراچی کے علاقے شاہ لطیف ٹاؤن پولیس نے خفیہ اطلاع پر کارروائی کرتے ہوئے آن لائن منشیات سپلائی میں ملوث 4 ملزمان کو گرفتار کرلیا۔
ایس ایس پی ملیرکاشف عباسی نے بتایا کہ ملزمان میں 2خواتین بھی شامل ہیں، جن سے ایک کروڑسےزائد مالیت کی منشیات برآمد کی گئی ہے۔ ان کا کہنا تھا کہ ملزمان کارمیں تربت سےکراچی منشیات چھپاکرلائےتھے۔ ملزمان سے 15 کلو چرس، 2 کلو افیون، 10 کلو آئس بھی برآمد ہوئی ہے۔
کاشف عباسی نے بتایا کہ منشیات کی عالمی مارکیٹ میں مالیت ایک کروڑسےزائدہے، ملزمان نے دوران تفتیش کراچی میں منشیات خریدنےوالےافرادکےنام بھی بتائےہیں۔
ایس ایس پی ملیر کا مزید کہنا تھا کہ کہ ملزمان کے خلاف مقدمہ درج کرکے مزید تفتیش کی جارہی ہے۔
کراچی میں آن لائن منشیات سپلائی کرنے میں ملوث 2 خواتین سمیت 4 ملزمان گرفتار
