کراچی میں لی مارکیٹ زینب آرکیڈ کی ساتویں منزل پر واقع فلیٹ سے ایک بچی اور 3خواتین کی لاشیں ملنے کا لرزہ خیز واقعہ پیش آیا ہے جنہیں تشدد کے بعد گلا کاٹ کر بے دردی سے قتل کیا گیا۔
میڈیا رپورٹ کے مطابق کراچی کے علاقے لی مارکیٹ میں زینب آرکیڈ کی ساتویں منزل پر ایک فلیٹ سے بچی اور خواتین کی تشدد زدہ 4 لاشیں ملی ہیں، اس حوالے سے پولیس کا کہنا ہے کہ چاروں کو تیز دھار آلے سے قتل کیا گیا، لاشوں پر تشدد کے نشانات بھی نمایاں ہیں۔
پولیس کے مطابق قتل ہونے والوں میں 13سالہ علینا، 18 سالہ مدیحہ، 19 سالہ عائشہ اور 51 سالہ کی شہناز شامل ہیں، مقتولین کی چاروں لاشیں الگ الگ کمروں سے ملی ہیں، قاتل واردات کے بعد آلہ قتل سمیت فرار ہونے میں کامیاب ہوگیا، چاروں لاشوں کو ضابطے کی کارروائی کے لیے سول اسپتال منتقل کردیا گیا اور تحقیقات کیلیے بانٹوا گلی میں لگے ہوئے سی سی ٹی وی کیمروں کی فوٹیج حاصل کی جارہی ہیں۔
میڈیا رپورٹ کے مطابق فلیٹ کے رہائشی شہری محمد فاروق نے پولیس کو بتایا کہ مقتول خواتین میں میری بیوی، بیٹی ، نواسی اور ایک بہو شامل ہے، واردات کے وقت میں اور میرے دونوں بیٹے گھر پر موجود نہیں تھے، ہمیں کسی پر شک نہیں اور نہ ہی ہماری کسی سے کوئی دشمنی ہے
