-
-
کراچی میں ٹریفک پولیس کی جانب سے 8، 9 اور 10 محرم الحرام کے جلوسوں کے پیش نظر ٹریفک پلان جاری کردیا گیا۔ سیکیورٹی وجوہات کے باعث پیر سے ایم اے جناح روڈ گرومندر سے ٹاور تک بند رہے گا۔
محرم الحرام کا مرکزی جلوس نشتر پارک سے برآمد ہوگا جو اپنے مقررہ راستوں سے ہوتا ہوا حسینہ ایرانیاں امام بارگاہ کھارادر پر اختتام پزیر ہوگا۔ جلوس کے دوران ہرقسم کی چھوٹی بڑی گاڑی کو جلوس کے روٹ پر جانے کی اجازت نہیں ہوگی۔
ایم اے جناح روڈ پر ہرقسم کی گاڑی کا داخلہ ممنوع ہوگا۔ ٹریفک پلان کے مطابق صرف ونڈ اسکرین پر اسٹیکر لگی گاڑیوں کو جلوس میں آنے کی اجازت ہوگی، اسٹیکر والی گاڑیاں براستہ شاہراہ قائدین سوسائٹی لائٹ سگنل سے داخل ہوسکیں گی۔
جلوس کے شرکاء کیلئے راستہ
ناظم آباد سے آنے والے شرکاء لسبیلہ، دائیں جانب گارڈن جماعت خانہ، سولجر بازارنمبر 3 لائٹ سگنل تا نمائش جلوس میں شریک ہوں۔
لیاقت آباد، تین ہٹی، جہانگیر روڈ، گرومندر تا نمائش جلوس میں شامل ہونگے جبکہ سوسائٹی لائٹ سگنل تا نمائش جلوس میں شریک ہوں، گلستان جوہر و گلشن اقبال، یونیورسٹی روڈ، پرانی سبزی منڈی، کشمیر روڈ، سوسائٹی لائٹ سگنل تا نمائش جلوس میں شریک ہوں۔
سبیل یا نیاز والی گاڑیوں کیلئے راستہ
سبیل یا نیاز تقسیم کرنے کے لئےگاڑیاں صرف ٹاورمیمن مسجد سے جلوس میں شامل ہوں گی، کسی بھی گاڑی کو جلوس کے روٹ پر گاڑی کھڑی کرنیکی اجازت نہیں ہوگی۔
متبادل راستے
ٹریفک پلان کے مطابق ناظم آباد سے آنے والےشہری لسبیلہ چوک سے نشتر روڈ،گارڈن سے اپنی منزل کی جانب جاسکیں گے، لیاقت آباد سے آنے والوں کو تین ہٹی سے لسبیلہ چوک بائیں جانب سینٹرل جیل کی جانب موڑدیا جائے گا۔ حسن اسکوائرسے پیپلز چورنگی چورنگی جانے والے کشمیر روڈ سے شاہراہ قائدین،جیل فلائی اوور تین ہٹی سے نشتر روڈ جاسکیں گے۔
شاہراہ فیصل سے شاہراہ قائدین کی جانب آنے والی ٹریفک کو سوسائٹی لائٹ سگنل سے دائیں جانب کشمیر روڈ کی جانب موڑ دیا جائے گا۔ سینٹرل جیل گیٹ سے گرومندر ایم اے جناح روڈ کی جانب جانے والے افراد گرومندر سے بہادر یار جنگ روڈ سولجر بازار سے اپنی منزل کی جانب جاسکتے ہیں۔
گارڈن چڑیا گھر سے ایم اے جناح روڈ جانے والے افراد انکل سریا سے دائیں جانب گل پلازہ اور بائیں جانب کوسٹ گارڈ ہولی فیملی اسپتال سے اپنی منزل کی جانب جاسکتے ہیں۔
متبادل راستے برائے ہیوی ٹریفک
سپر ہائی وے، گلبرگ سے ایم اے جناح روڈ جانے والےہیوی ٹریفک لیاقت آباد نمبر10 سے ناظم آباد چورنگی نمبر2 کی طرف موڑ دیا جائے گا، ہیوی ٹریفک براستہ حبیب بینک فلائی اوور، اسٹیٹ ایونیو روڈ، شیرشاہ سے ماڑی پور تک جاسکے گی، ہیوی ٹریفک کی واپسی کے لئےبھی یہی راستہ اختیار کیا جائے گا۔
نیشنل ہائی وے سے آنے والے ٹریفک کو براستہ شاہراہ فیصل، اسٹیڈیم روڈ، سر شاہ سلیمان روڈ، حسن اسکوائر، لیاقت آبادنمبر 10، حبیب بینک فلائی اوور، اسٹیٹ ایونیو روڈ، شیرشاہ سے ماڑی پور تک آنے کی اجازت ہو گی، ٹریفک کو واپسی کے لئے یہی راستہ اختیارکرنا ہوگا۔
