قانونی دستاویزات رکھنے والے افغان شہریوں کو پاکستان میں عارضی رہنے کی اجازت دینے کے حوالے سے نوٹیفکیشن جاری کر دیا گیا۔
نوٹیفکیشن کے مطابق پی او آر یا اے سی سی کارڈ رکھنے والے افغان مہاجرین پاکستان میں قیام کر سکتے ہیں۔ قانونی دستاویزات رکھنے والے افغان مہاجرین کو تحفظ حاصل ہو گا، وفاقی کابینہ کے آئندہ فیصلے تک رجسٹرڈ مہاجرین عارضی قیام کر سکتے ہیں۔
نوٹیفکیشن میں متعلقہ اداروں کو ہدایت کی گئی ہے کہ رجسٹرڈ افغان مہاجرین کو گرفتار نہ کیا جائے۔ واضح رہے کہ گزشتہ روز وزارت سرحدی و ریاستی امور نے کہا تھا کہ قانونی دستاویزات کے حامل افغانیوں کو جبری واپس نہ بھیجا جائے۔
