کمشنر کراچی محمد اقبال میمن کی زیر صدارت ضروری اشیاء خوردونوش سے متعلق اہم اجلاس ہوا جس میں ڈپٹی کمشنرز، بیورو آف سپلائی اینڈ پرائسز ، محکمہ خوراک کے افسران نے شرکت کی۔
کمشنر کراچی نے تمام ڈپٹی کمشنرز کو دودھ کی قیمتیں کنٹرول میں رکھنے اور ادویات کی ملاوٹ کو روکنے کےلئے سنجیدگی اختیار کرنے کے احکامات جاری کر دیئے۔
کمشنر کراچی کا کہنا تھا کہ دودھ کی قیمتوں کو ضابطے میں رکھنے کے لئے سب ڈویژن سطح پر اچانک دورے کرنے کے کا ٹارگٹ دیا تھا۔ دودھ کی قیمتیں بڑھ گئی ہیں ، انتظامیہ کی کارکردگی پر سخت تنقید کی جا رہی ہے۔
کمشنر کراچی نے اجلاس میں تمام افسران کو ہدایت کی کہ قیمتوں کو ضابطے میں رکھنا کراچی ڈویژن کے ساتوں ضلعی انتظامیہ کی بنیادی زمہ داری ہے۔ دودھ میں ادویات کی ملاوٹ سے ہماری پوری نسل متاثر ہو رہی ہے۔
اجلاس میں گوشت، دال، چاول، سبزی اور دیگر ضروری اشیاء کی قیمتوں کا بھی جائزہ لیا گیا۔ کمشنر کراچی نے آئندہ پیر تک ڈپٹی کمشنرز کو بیورو آف سپلائی کے ساتھ ضروری اشیاء خوردونوش کی قیمتوں کا جائزہ لے کر سفارشات پیش کرنے کی ہدایت کر دی۔
کمشنر کراچی کا کہنا تھا کہ ماہ رمضان المبارک قریب ہے، آئندہ ہفتے اشیاء خوردونوش کی قیمتیوں کا نوٹیفکیشن جاری کر دیا جائے گا۔
