کراچی سمیت صوبہ سندھ میں گیس فراہم کرنے والے سوئی سدرن گیس کمپنی نے گھریلو صارفین کیلئے گیس کی دستیابی کے اوقات کار کا اعلان کردیا
سوئی سدرن گیس کمپنی نے سندھ میں گیس لوڈشیڈنگ کے نئے اوقات کار کا اعلان کر دیا ہے۔ کمپنی ترجمان کا کہنا ہے کہ وزیراعظم کی ہدایت پر صبح ، دوپہر اور رات کو کھانے پکانے کے وقت گیس کی فراہمی یقینی بنائی جائے گی۔
As per the Prime Minister’s directives, SSGC is ensuring gas supply to its customers during meal hours as per the given schedule. pic.twitter.com/02qrmsWt4T
— SSGC Official (@SSGC_Official) December 11, 2022
سوئی سدرن گیس کمپنی کے اعلان کے مطابق سندھ کے صارفین کو صبح کے اوقات میں 6 بجے 9 بجے تک گیس میسر ہوگی۔ دوپہر میں 12 بجے سے 2 بجے تک گیس کی فراہمی یقینی بنائی جائے گی۔
رات کے کھانے کیلئے شام 6 بجے سے رات 9 بجے تک گھریلو صارفین کو گیس میسر ہوگی۔ کمپنی ترجمان کا کہنا ہے کہ گھریلو صارفین کو گیس فراہم کرنا پہلی ترجیح ہے۔
ترجمان سوئی سدرن گیس نے کہا ہے کہ ایسا نہیں کہ دیگر اوقات میں گیس بالکل نہ ملے، حکومتی پالیسی کے تحت 8 گھنٹے گیس موجودگی یقینی بنائی جائے گی جبکہ دیگر اوقات میں بھی گیس دستیاب ہونے کی صورت میں گھریلو صارفین کو گیس فراہم کی جائے گی۔
گیس صارفین کا سوئی سدرن کی جانب سے جاری کیے گئے نئے شیڈول سے متعلق کہنا ہے کہ یہ سوئی سدرن کی تاریخ میں سب سے شدید لوڈشیڈنگ ہے۔
