پاکستان تحریک انصاف نے ملک بھر میں مہنگائی کے خلاف احتجاج کرنے کی منصوبہ بندی شروع کردی۔ چیئرمین پی ٹی آئی عمران خان نے مہنگائی کے خلاف احتجاج کرنے کی ہدایت کی ہے۔
تحریک انصاف کے سیکرٹری جنرل اسد عمر کا کہناہے کہ عمران خان نے ملک بھر میں مہنگائی کے خلاف احتجاج کی ہدایات دی ہیں۔ اس حوالے سے صوبائی، ضلعی اور ریجنل صدور کو مراسلے بھی جاری کردیئے گئے ہیں۔
سیکرٹری جنرل پی ٹی آئی اسد عمر کی جانب سے صوبائی، ضلعی اورریجنل صدور کو بھیجے گئے مراسلے میں کہا گیا ہے کہ حکومت نے ملک کو سیاسی انتشار میں دھکیلا ہے۔
اسد عمر نے مراسلے میں لکھا کہ بجلی، پٹرول اور ڈیزل کی قیمتوں میں اضافہ بنیادی اشیائے خورونوش کے لوازمات کے عوام کی دسترس سے دور کرنے کی وجہ بن رہا ہے۔
اسد عمر نے مراسلے میں کہا ہے کہ چیئرمین عمران خان نے مہنگائی کیخلاف ملک بھر میں احتجاج کی ہدایات دی ہیں، ضلعی صدور، تنظیمیں احتجاج کی بلا تاخیر منصوبہ بندی کریں، اور 12 ستمبر تک اجتجاجی پلان بھجوائیں۔
اسد عمر کا کہنا تھا کہ احتجاج کا باضابطہ پلان کی شکل میں اپنے بالائی تنظیم کو 12 ستمبر بروز پیر تک ارسال کریں۔ اسدعمر کے مطابق ملک بھر میں مہنگائی کے خلاف احتجاج کیا جائے گا۔
